Ito ay awit ng mga taong masayahin. Mga taong malawak ang imahinasyon. Kayang maging masaya at kalimutan ang problema upang gumanda ang araw. Mga taong ginagawa ang lahat ng gusto nila at hindi hinahayaan na humadlang ang sinuman. Mga taong ginagawang masaya ang lahat ng bagay. Kayang ipaglaban ang kasiyahan niya.
Mayroon
itong masiglang tono at ritmo na angkop gamitin sa isang sayaw. Sa oras na
marinig mo ito hindi mo mapipigilang igalaw ang ulo, mapaindak at pumalakpak
ang mga kamay. Hindi na ito mawawala sa isip mo o tinatawag din na LSS. Magiging
masaya ka talaga kapag pinakinggan mo ang awit na ito.
Sinasabi dito
na kung saan ka mas sasaya, iyon ang piliin mo. Kung ano ang kasiyahan para
sayo ipagpatuloy mo, gawin mo at ipagmalaki mo. Sapagkat ang kasiyahan ang susi
sa isang matiwasay na pamumuhay. Kung masaya ka sa kung ano ka man o kuntento
ka sa katayuan mo sa buhay at hindi mo inaalala
ang iisipin ng iba sayo, magiging masaya ka sa sarili mong paraan.
